عبدالبديع المكابرابي يكتب :
بالدارجي كدا
الحرب في السودان واحدة من أكبر الأزمات الحصلت في تاريخ البلد وهي ما ظهرت بين يوم وليلة بل كانت نتيجة تراكمات سياسية واقتصادية واجتماعية على مر السنين السودان بلد غني بثقافاته وموارد لكن الصراع حول السلطة وغياب الاتفاق بين الناس الحاكمين هو السبب الرئيسي اللي خلانا نوصل للوضع الحالي الأزمة الاقتصادية زادت الطين بلة خلت الناس تعاني والأسعار ترتفع، والشباب يفقد الأمل في المستقبل النزاعات القبلية القديمة رجعت تشتعل في ظل غياب مؤسسات قوية توقفها وده زاد من الانقسامات بين الناس كمان ما بنقدر نتجاهل دور التدخلات الخارجية في تأجيج الصراع، سواء بشكل مباشر أو غير مباشر
الحرب أثرت على كل حاجة اجتماعياً الأسر تشتت والناس نزحت من بيوتها هاربة من الموت والجوع والمدن اللي كانت عامرة بالحياة أصبحت خراب اقتصاديا السودان فقد واستقراره العملة انهارت والأسعار بقت نار ما بتطفي وكثير من الشباب فقدوا فرصهم في حياة كريمة أما نفسياً الوضع ده خلق حالة من الخوف واليأس خصوصاً عند الأطفال والنساء اللي شافوا بعينهم الدمار وفقدوا الأمان
لكن رغم كل الألم الحاصل الحل ما زال ممكن أول خطوة إننا نرجع نتكلم مع بعض، لازم الحوار يكون هو الأساس عشان نصل لحلول توقف الحرب كل الأطراف لازم تتنازل عن المصالح الشخصية وتشوف مصلحة السودان أولاً السلام ما حيجي إلا لو الناس اتكاتفت وتعاونت وكل فرد في المجتمع عرف دوره في إعادة بناء البلد الشباب لازم يكونوا في قلب الحل عشان هم القوة الحقيقية اللي ممكن ترجع السودان واقف على حيله. كمان مهم جداً إننا ننشر ثقافة السلام بدل الكراهية نعلم أولادنا في المدارس والجامعات إن الحرب ما بتجيب غير الخراب وإنو السودان بيتنا الكبير اللي لازم نحافظ عليه
الحل الحقيقي بيد الجيش ومن يناصره ويسانده لأنهم هم القوة القادرة على استعادة الأمن والاستقرار في البلد. الجيش يمثل صمام الأمان وإذا توحدت الجهود خلفه بعيدًا عن المصالح الضيقة والخلافات ممكن السودان يتجاوز المحنة دي بسرعة. لازم الكل يقف مع الجيش ويدعمه عشان نقدر نرجع دولتنا قوية ومستقرة ما بنحتاج غير إرادة حقيقية وتكاتف من كل أبناء الوطن ونتمنى نخلص من المشاكل دي قريب ونرجع نبني بلدنا من جديد بلد يسع الجميع وينعم أهله بالأمان والحياة الكريمة.
