🌹إطلالة🌹
حكايات ود البرعي
الوساطة تنجح ..!
نزل وفد الوساطة في مكتب المحامي إلياس قدورة ..
رحب المحامي بالوفد، وهو يعرف ود البرعي من زمن طويل جدا :
_ مرحب حبابكم ود البرعي لعلكم بخير؟
أجلس المحامي الوفد في حفاوة، وأمر السكرتيرة بإغلاق الباب ..!
بعد نقاش مطول في القضية التي رفعتها ليلي زوجة المرحوم النعيم ود حمد ضد إبنها سامي في خصوص وقف دعمها لبناء عمارته ..الخ
_ يا إلياس إنت ود بلد ممكن تكون سبب في مسألة زي دي ؟
والكلام دا ما بشبهنا …واستفاض ود البرعي يتحدث عن القيم واللوم والعيب .. الخ
وأنا والله قلبي كان محدثني لامن جا شاورني المرحوم النعيم في زواجه دا ..كلمتو قلتا ليهو أنا خائف بعدين الناس ديل أصولهم من بره، وعاداتهم ما زينا دحين كنت خائف يحصل زي دا ..
_ شوف يا ود البرعي سامي دا زوجتو اوحت ليهو بانها لا ترغب أمه تجي تزورها في بيتها ..!
إنتفض شيخ إدريس:
_ معقوووول؟ دي أمو الولدتو
سأله ود البرعي:
_ أها وهو كان موقفو شنو؟!
_ وصلها ليها الكلام ولامن سألتو انت رأيك شنو؟
قال ليها انا برضي مصمم تاني ما تجينا في بيتنا دا ..!
هنا صمت الوفد من الكلام وكأنما وقع عليهم فجأة من هول تصرف سامي نفسه.. ..!؟
أخيرا أتفقوا علي وساطة لانهاء الأزمة بأن يعتذر سامي لأمه يقبل رأس أمه معتذرا فوافق سامي
ونشوف ماذا كان رد ليلي ..!
آخر الأخبار
