عن معارك المدرعات
عثمان محمد عثمان يكتب :
*الساموراي الغريب الشهيد*
هم اتنين واحد استشهد في المدرعات وحا احكي ليكم عنه والتاني حي يرزق وسط الجنجا وهو جيش بحالو .
الساموراي الغريب الشهيد:
استشهد بتاريخ ٢٢. ٨. ٢٠٢٣ في الهجوم الكبير علي المدرعات وتم دحر المليشيا وهو وسط الجنجا وكان قائد محور وهاجم علي المدرعات من جهة الجنوب الشرقي جهة غزة..
كان علي تواصل دائم معنا ومدنا بعدد القوة والمحاور من وين وين واخر رسالة انا حا انسخها ليكم نسخ من الدردشة وهي :
يا السنجك الاملس بكرة جايين بمواجهتك وجهزو حالكم،وانا قائد القوة ويا اخوي نتقابل قدام وقلبك ما يرف، املأ يدك
والرسالة ما شفتها الا قبل الهجوم بساعات، وسبحان الله في اليوم داك كان امير 04 اتصاب ومعاه نص القوة فضلنا ٦ انفار وبقيت امير القوة..
وكتمت من غير تفاصيل وبدأت وكانت اخر التعليمات وهي قدر موقفك ودعناكم الله..
وجاء الساموراي في الموعد المحدد وشفته بعيني وبدينا الاشتباك وشاهدت منظر شهادته والله مبتسم وبعاين لي عارف محلي هو ❤️❤️
وتم دحر العدو وكل القوة الهجمت من تلك الجهة ولله المنه
انت متخيل ❤️
شكراً الساموراي الشهيد وتقبل منك، والتحية للساموراي الحي المرعب
#المقاومة_الشعبية_المسلحة
#بل_بس
السهم في الصورة ده الشهيد حسن بدر الدين صحيناهو من النوم حاء بالفنيلة الداخلية ..
