♣️ *إطلالة* ♣️ *حكايات ود البرعي*   *يكتبها توفيق جعفر الزبير* *محاكمة ام تمرد؟*

♣️ *إطلالة* ♣️

*حكايات ود البرعي*   *يكتبها توفيق جعفر الزبير*

*محاكمة ام تمرد؟*

جاء عامر ود المكي إلي إجتماع لجنة القرية، بعد توجيه له ..!
( غضب شيخ إدريس من تصرف عامر، وقال لود البرعي:
_ الولد دا عامل افطار ضرار ساي والله وانا شايف نمنعو بالقوة .. ؟
رد عليه ود البرعي : انحنا ما نستعجل ، وبالإتفاق معاهو نوظف مالو دي توظيف صحيح .. فنرسل إليه يجىينا ..
بدأ ود البرعي الكلام في حضور عامر ود المكي ،وحضور كامل عضوية اللجنة وشكره علي إقامة الافطار ورحب بحضوره للقرية بعد غربة طويلة ..!
لكنه أردف بأن للقرية لجنة تنظم المهام والواجبات وكل سكان القرية يدينون لها بل وكل عام ينتخبون لجنة جديدة ..
وعدد له إنجازات لجنة القرية مثل أكمال بناء المدرسة الثانوية للبنات، توصيل الماء والكهرباء ، صيانة المركز الصحي، بناء ميز المعلمين، تشييد روضة الأطفـال .. الخ
وطلب منه إيقاف إفطاره بحسب رؤية اللجنة وضم جهوده لعمل كلية تنمية المجتمع في القرية … ؟!
صمت الحضور تأييدا لحديث ود البرعي رئيس اللجنة ..!
بعد. تلك الفذلكة الرائعة تحدث عامر بقوله :
_ والله جهدكم دا جهد عظيم وشغلكم رائع وشكرا ليكم علي الانجزتو دا كلو …!
لكن يا عمي ود البرعي انا خلوني في افطاري لامن ينتهي رمضان لأني بديتو ومعاي شباب من القرية دي ومن برة .. ؟
قال له ود البرعي بنخليك لامن ينتهي رمضان بشرط؟
_ الشرط شنو ؟
_ تضم جهودك وتدفع في مشروع كلية تنمية المجتمع ؟
_ موافق …
إنتهي الإجتماع وذهب كل لحاله …!

.