اميرة عبد الجليل تكتب :
*فرحة الشعب السوداني بالانتصارات …. فاتورتها عااااااالية جدا*
دي يااخ قصادها دماء شهداء وبتر أعضاء…..تمنها فوارس تم أسرهم……. نسأل المولى عز وجل أن يفك قيد الماسورين ويتقبل الشهداء….ويشفي الجرحى.
التمن الغالي دا ياشعب ياسوداني بعد معركة الكرامة دي يجي دورك ايوا انت وانتي وكلو في محلو بالضبط كدا
تسد الفرقة وما تدي فرصة لاي عميل وخائن…..
وتشد الهمة اكتر من الاول ….اخلاص …تفاني
….واتقان في العمل …..لازم مكنة الإنتاج تدور دبل …..لو كنت طالب تجتهد وتتميز…..فالوطان يبنيها. بنؤها …. دا دين علينا كلنا ومن هسي ياشباب
نبدأ ثورة التصحيح …..
وكل المبادرات الشبابية لازم تتضافر مع بعض وكل مبادرة تكمل التانية
….البداية من حيث انتهى الآخرون…..ما عايزين شعارات براقة بدون عمل لازم ننكرب الما بمشي معاك ما تخليهو ياخرك وياخد من زمنك ….الحرب دي علمتنا كتير والله اهو رمز السيادة الان في كلو محل تلقى قدااااام في الميدان
اثبت للعالم اجمع جيش السودان ابدا ما فيهو جبان
ولا بخش معركة بطلع خسران
يلا كلو زول فينا في مجاله يفكر و يبدع دا تاريخ جديد من عمر الوطن…..وعشان نبني سوى يلا معانا …. اي زول يشوف ح يخت اسمه وين .
اميرة عبدالجليل،،،
