☘️ *إطلالة* ☘️
*حكايات ود البرعي*
*بقلم توفيق جعفر الزبير*
*ضيوف دائميين ..!*
صدق توقع ود البرعي ، وفعلا للحرب مٱسي لا يدركها، إلا من حلت بداره، واوشكت ان تهلك أهله، وأنفق ماله كله فداء نزوحه … وفقد موطن سكنه ..!
أول يوم من الصيام اقبل جماعة من ضيوف ، اسرة فقدت عائلها، أم وبنات أستقبلهم معروف أمام محطة المركز الصحي حيث افطاره، وبمجرد ما لمح الأم تتوسط بناتها ادرك ان هذه اسرة تحتاج لمأوي وطعام …
_ مرحب حبابكم اهلا بيكم البيت بيتكم والدار داركم ..
أمر معروف احد الاطفال بالتوجه بهم لمنزل اسرتهم ..
وفعلا شكروا معروف ..
وما لبث ان جاءت وفود من رجال جاء بهم الطريق ..!
اما إفطار القرية الكبير ، فقد ظل أعضاء اللجنة يستقبلون الزوار يوميا ..
بل وفتح بعضهم بيوتهم لإقامة النازحين من كل حدب وصوب ..!
يذبح ود البرعي كل يوم عجلين او ثلاثة ، وقرر هذه المرة بإسم اللجنـة دعوة السيد المحافظ لإفطار جامع يوم خمسة رمضان .. !
وأبتدر شيخ ادريس امام الجامع الحديث بعد الفطور مباشرة وقال :
_ نحنا يا اخوانا كلجنة قررنا دعوة السيد محافظ المنطقة الجنوبية لإفطار معانا هنا وطبعا حيكون معاهو رئيس المجلس المحلي ورفاقو والضابط التنفيذي وضيوف من القري المجاورة ونحنا عارفين ود البرعي بقوم باللازم لكين سبقناهو بالحديث، عايزين مشاركة كل سكان القرية لتلاتة اسباب وجيهة نذكرها :
اولا عندنا مشروع الطريق الدائري ودا عايز افتتاح وكانوالمحافظ مشي عليهو وافتتحو نكون قطعنا شوط مهم
ثانيا : تحسين وضع المزارعين ودعمهم
تالتا : القرية دي اكتر قرية استقبلت نازحين عايزين دعم لخدماتها، نطور مركز الصحي لمستشفى ، يبنو لينا مركز شباب مؤهل بدل النادي القديم داك … الخ
وانا شايف نكون لجنة للموضوع دا ..
ولا رأيكم شنو؟
. . tofyjpir0@gmail.com
