🌹إطلالة🌹 توفيق جعفر حكايات ود البرعي مشكلة في ورثة النعيم ود حمد(4/3)

🌹إطلالة🌹
توفيق جعفر
حكايات ود البرعي
مشكلة في ورثة النعيم ود حمد(4/3)

لم يستطع سامي إستيعاب حديث أمه دفعة واحدة، فجلس على الأرض مطأطيء الرأس، وجلست في جواره زوجته عزة وقد بللت دموعها عينيها ..!
بينما أغلقت ليلي الباب في وجه إبنها ..!؟
دلفت للداخل وأتصلت مباشرة علي المحامي إلياس قدورة ..
( وحكت الحكاية كلها له ..!)
_ غريبة وسامي ما كان عارف ولا شنو؟؟
وطردك من بيتو!؟
دا إبن عاق والله العظيم!؟ وعشان وقال ليك زوجتو متضايقة منك؟
ماعندو ذوق ولا تقدير …!!؟
خلاص تشرفين سبعة مساء في مكتبي ..!
بعد مقابلة ليلي المطولة مع الأستاذ إلياس قدورة قال لها :
_ شوفي يا ليلي انا مستحيل أبقي حجر عثرة لأسرة صاحبي النعيم ود حمد، ونحن نتعارف من سنين ..
لكن لأنو سامي ولد عاق وغير بار بوالدته، انا حا أعرض بيهو وأبشتنو .. وبالمناسبة بعد سمعت كلامك كلو جا عشان يقابلني وكلمتني السكرتيرة قلت ليها قول ليهو الأستاذ مافيش ..!
_ شكرا يا أستاذ إتخيل ما قدر محبتي ليهو الجاهل الحقير كنت بودي لزوجتو الطعام حانه في حالها وشايفاها لسه عروس ..!
إتفقنا مواعيدنا في المحكمة وبرسل ليك قبل الجلسة الأولي وبكون أنجزت القصة قانونيا، واللهو طلب إسترجَاع اموالك البنيتي بيها بيتو ..!
_ بالضبط كده