رسائل صحية :
علاج _مرض _ الكوليرا بالبلدى
اذا جاك إسهال مائي اتبع الخطوات التاليه :-
1- أفطر ما تصووووم لانو السبب الاساسي للوفاة هو الجفاف
2- اول حاجه تعملها تشرب محلول الترويه أشرب على قدر ما تقدر اصلو ماتقصر…..
يلا حاشرح ليكم كيف تحضرو محلول الترويه في البيت والنقطة دي هامه جدا اي زول لازم يعرفها : (جيب مويه صفيها بقطعه قماش نظيفه..
بعد داك ختها في النار خليها تغلي.. نزلها خليها تبرد شويه…
وقصاد كل لتر من المويه اضف نص معلقه ملح وسته ملاعق صغيره سكر ونقاط ليمون .. واشرب اصلو ماتقصر اشررررب دا المحلول المنقذ لحياتك).
3- امشي أقرب صيدليه جيب حبوب اسمها دوكساسايكلين كبسولات 100 ملجرام لونها اخضر وابلع منها وقتي ٣ كبسولات وتاني كبسوله كل ١٢ ساعه
4- أشرب عصير قنقليز وكتر من السوائل ماتخلي شوربه ولا نشأ بالكاستر حايمه في البيت اشربها كلها
5- اغلي الهبهان واشربو ، سف حلبه أكل زبادي بالكسبرة
6- غسلوا يدينكم بالمويه والصابون كويس شديد….
وانت يا المريض لما تمشي الحمام شيل معاك جردل مويه وصابون بعد تخلص غسل الحمام لانو الكوليرا بتنتقل بالذباب
7- اطبخوا الأكل كويس شديد وغسلوا الفواكه والخضار بالخل اول شي لانو بقتل البكتريا الناقله للمرض
ماتخافو من المرض الكوليرا علاجها ساهل جدا وما تنتظروا لما تفقد سوائل وتبقى تحت رحمة المستشفيات
عالج نفسك بنفسك وفي بيتك .. وياريت تنسخوا وتلصقوا المنشور دا في القروبات عشان تعم الفائدة ..
#وعيك بنقذ غيرك
