منصة السودان الأولى
التواصل الاجتماعي
آخر الأخبار
السياسات الاقتصادية السودانية.. متى تستعيد قدرتها على حماية الإنسان؟ 246 ألف صوت تضع الاقتصاد والحك... البعد_الاخر د. مصعب بريــر تعقيبٌ وتكريم: حين يكتبُ الوفاءُ سيرةَ العطاء ..! وبرغم التوقع .. عبد المعز حسين مكابرابي  الديمقراطيات في السودان من أزمة تداول السلطة إلى معضلة تأسي... وبرغم التوقع .. عبد المعز حسين مكابرابي  الديمقراطيات في السودان من أزمة تداول السلطة إلى معضلة تأسي... وبرغم التوقع .. عبد المعز حسين مكابرابي الديمقراطيات في السودان من أزمة تداول السلطة إلى معضلة تأسيس... *خبر وتحليل | عمار العركي* *فعــلاً... كبير يـا الهنـدي!* *وجه الحقيقة | د. إبراهيم شقلاوي* *الحكومة.. عودة الأسواق وتحدي الخبز* *مَعْذِرَةً إِلَى رَبِّكُم* *حين كان القرآن في حياتهم كحال الميديا في حياتنا* *✍🏼... *أحمد العنان يقود شعبة الصمغ العربي الي مؤتمر تطوير الأصماغ بفرانكفورت وسط الغياب الرسمي* *ابشر... وبرغم التوقع .. عبد المعز حسين مكابرابي  الديمقراطيات في السودان من أزمة تداول السلطة إلى معضلة تأس...

كانوا بقولو منعول ابوكي بلد… و هم ما عارفين انها جنة

0

*كانوا بقولو منعول ابوكي بلد… و هم ما عارفين انها جنة*

السودانيين بعد طلعوا من السودان بكميات كبيرة اكتشفوا حاحات عجيبة عن السودان : انو موية النيل بتاعتو كانت اعذب طعم ، انو الشاي عندنا بالذات الغزالتين وسفاري والتمساح كانو من اجمل نكهات الشاي في كل العالم ، وانو طحنية المشرف وحلويات سعد زيها مافي ، وانو الفول مع زيت السمسم والشمار والجرجير الحار البدون سماد هو ارهب فول ، وانو ام فتفت بالشطة الاصلية الحارة شيء نادر ومافي زيو ..الشية السودانية بشطة الدكوة مافي زيها في اي مطاعم العالم ، كمان شية الصاج ببهاراتنا السودانية مبالغة ، ياخي ملاح خضرة ملايقة بمزاج مع قراصة وقطعة بصلة بليمونة ده شي خرافي ، ولا الرجلة بالكسرة المرة ، لا وكمان باسطتنا بالسمنة البلدية مافي زيها وبقوا يفتشوا ليها فتيش ، كانو بقولو انعل ابوكي بلد وهم ما عارفين انها جنة .. وكمان ده خليه ، نحن في السودان رايقين ما عندنا سواقين مجانين اليوم كلو بيب بيب بيب بالبوري والازعاج الشديد ، نحن رايقين ومعقولين وحياتنا كانت جميلة .. لمن نرجع بلدنا جميعا بالله الناس تسجد كلها شكرا لله اول ما تصل اول بقعة فيها تراب بلدك .. وتعاهد نفسك انك توري اولادك قيمة الوطن وقيمة السودان وقيمة انك ما مطالب باجراءات اقامة او دفع رسوم .. وانك حر في بلد ملكك انت وترابها حقك انت ..وإن شاء الله وبإذن الله. السودان يرجع أحسن وأجمل..

اضغط هنا للانضمام الى مجموعاتنا في واتساب

اترك رد

لن يتم نشر عنوان بريدك الإلكتروني.