علي احمد دقاش :
*ميثاق نيروبي ودلالات من قصص التراث الشعبي*
في تراثنا الشعبي الشفهي قصص ذات دلالات عميقة لابد من الاعتبار بها.
قالوا الحيوانات اجتمعت في الغابة ليؤسسوا مجتمع متماسك متعايش تسود فيه الرحمة والمحبة والاحترام المتبادل .
عقدوا اجتماع حضره الاسد(الدود) ,
المرفعين
,الحمار
, الثعبان
, الثور
, الثعلب (ابو حليمة)
تنقاشوا لوضع ميثاق للمجتمع الجديد.
قدم كل منهم شروطه .
قال الاسد :
انا ما بحب زول ينظر لي في وجهي …
قال الثعبان :
انا ما بحب زول يفجغني في ذنبي
قال المرفعين :
انا مابحب الازعاج .
قال الثعلب :
كو..كو… انا ما بقعد معاكم…..
مجتمعكم ده ما بنقعد ….
وإبتعد منهم قعد بعيد …..
لم يلتفتوا لرأيه ومضوا في الامر .
في يوم من الايام جاع الاسد جوعا شديدا فقال للحمار مالك تنظر لي كده.
عرف الحمار ان الاسد متسبل ساكت… ويريد الغدر
حاول الإبتعاد و الهروب فوطأ بحافره ذيل الثعبان.
قام الثعبان منزعج و لدغ الثور ….
جعر الثور وأحدث ضجيجا ازعج الذئب……
جاطت المنطقة كلها وتفرتق الجمع وفشلت كل الحكاية …. .
قال ابو حليمة شامتا :
انا كنت عارف ده بحصل…….
امس إجتمعت احزاب وحركات وافراد في نيروبي ليؤسسوا سودان جديد بزعمهم ….
وضعوا نفس شروط الحيوانات وتفرقوا …..
لكني لا اظن ان ميثاق السودان الجديد الذي وقعوه قابل للتطبيق….
هم كانوا محتاجين لابي حليمة ليقول لهم :
ميثاقكم ده ما بتقدروا تطبقوه علي الارض
و مجتمعكم ده لن يستقيم امره….
