الحسن بكراوي يكتب : *الحملة البغيضة البتعرض ليها الانصرافي الان من شخصيات ليها مآرب من القصه دي*

الحسن بكراوي يكتب :

*الحملة البغيضة البتعرض ليها الانصرافي الان من شخصيات ليها مآرب من القصه دي*

احب اذكركم
قبل تسقط مدني لم كان والي الجزيرة السابق فاتح الولاية لي ندوات القحاته والمليشيا في كاب الجداد منو الطلع الوقف في الموضوع دا وقال لازم دفاعات ولايات الجزيرة ماتكون في مدني تكون في حدود الولايه مع الخرطوم منو القال لي انت بي طريقتك دي مدني حتسقط وفعلا سقطت لكن هل صرفه وقف وقال انا وريتكم وماسمعتو كلامي لالا هو الوقف لحدي مالح مستنفرين الجزيره هو الوقف لحدي مارجعت مدني والجزيرة والوقت داك كيكل كان بدخل في المرتزقه عشان يبيدوا الجزيرة واهلها
لم سقطت سنجه منو الوقف وقال سنجه لازم ترجع وفي الليل داك الجيش رجع الفرقه 17 لكن بعض الخونه كان ليهم كلام والوقت داك كيكل هو الشرد اهل سنجه والدندر والسوكي
منو الطمن مواطن سنار لم القحاته وغرفهم قالوا سنار سقطت وبدو يطلعوا من سنار
منو الثبت الناس في نيالا قبل سقوطها وبابونسه والفاشر اللسه صامدين بدون إمداد

منو الوقف مع الجيش في القيادة العامة منذ الحصار وبطلع يسب ليهم واحد واحد لحدي مافكو حصار القيادة العامة والمدرعات الكان بتصد الفي اليوم الواحد خمسه محاولات علي الاقل لأسقاطها وكرري والمهندسين لحدي ما اتلاقو وحرروا الاذاعه وقطع الكباري (معركة العبور ) منو الكان يومي بطلع بقول للجيش وللقيادة انو لازم تقطعوا الكباري دي منو الوقف قبل سقوط سنار لم المليشيا موجوده في جبال موية ووقف لحدي ماغيروا قيادة المتحرك وجابو قائد وهسي جيش سنار في جياد منو الوقف واتكلم في قيادة الفرقة 18 لحدي ماغيروها وهسي جيش النيل الأبيض على مشارف الجبل منو الوقف لحدي غيرو قائد الفرقة التالته شندي وهسي جيش شندي حرر بحري كلها منو الوقف
منو القال ونفذ مشروع #راجعين بدأها بي امدرمان في نص التدوين الناس رجعت وقعدت لليلة لم كانوا بتهموا انو داير يقتل الناس ورجع مواطن الجزيره وسنار والسوكي والدندر وسنجه ولي يوم الليله الباصات ماوقفت بترجع في الناس لي بيوتهم من جوة السودان ومن مصر
منو الوقف لم الجيش في أهون حالته وماعندهم زخيره ولا مقاتلين وقف وقال الشعب السوداني لازم يستنفر لحدي ماطلع القائد العام وأعلن الاستنفار منو السلح الشباب المستنفرين في كل السودان والاعلن المقاومة الشعبية المسلحه
منو الوقف وطلع لم الجيش اتسلح وكانوا قاعدين في المعسكرات وطلع هاشتاج #فك_اللجام وسمعناهو من جنود في الميدان لحدي ماطلعوا قيادة الجيش قالوا فكينا اللجام منو الكان بطلع برد لي وزراء خارجية ورؤساء دول بتطاولوا على الشعب السوداني لحدي مابقى وزير الإعلام بطلع يصادم
منو الكان بطمن الناس وقت الناطق الرسمي للقوات المسلحة كان محاصر لحدي هسي خلال لحظات بطلع يورينا الموقف العملياتي
اي زول وقف في البلد دي مع القوات المسلحة يستحق انو نحن ندافع عنو حتى لو اختلفنا معاهو رغم انو الانصرافي قال مافي زول يدافع عني لكن دا أقل شي نعمل ليهو بعد العملو دا
صرفة دا الوحيد الوقف مع قيادة الجيش لم كل الناس بداية المعركة كانت شايفه انو القيادة دي ماحتقودنا لي انتصار الشعب السوداني هو الكان بقول البرهان يقعد ويعمل الصاح غصبا عنو
منو الوقف في مفاوضات جده وجنيف والقاهرة لحدي مالجيش عين وفد مفاوض مدني وبقى يتكلم بي كل وضوح
لو اتكلمنا عن الانصرافي دا سنين ماحنقدر نوفيهو حقو …

صرفه دا الكان بثبتنا لم القلوب كانت مهتزه هو الكان بطمن لم كل الناس كان بتقول البلد دي ماشه لي هاويه هو الوقف لحدي ماهسي قاعدين نرجع في البلد دي شبر شبر

وبنقول ليهو
يا صرفة صرفة
ابقى العاتي والدرب الوراك مسدود
شيل شيلتك بقيت للنص
لاحلما يجيب البر ولا حدود
#الانصرافي_يمثلني
اخوان سنيور الجيش ✍️