*من قصص البعاتي في ريف كردفان*

بمناسبة حميدتى ميت وبعاتى وما بعاتى …واحد صاحبنا من اولاد كردفان اسمو ادم ابراهيم كتب 👇

قصص البعاتي عندنا في الريف الكردفاني كتيييرة.. وهي قصص خيالية ينسجها البعض ويصدقها آخرون..
يحكي أن أحدهم توفي وقام بعاتي وقد كان صاحب أملاك وسعية وترك لأبنائه كمية مقدرة من مرحات الأبقار..
واتفق على أنه كان يأتي للغابة التي تجاور مزرعته ويلتقي مع أبنائه ويجمعون له الأبقار ليتففدها هل حافظ عليها الأبناء ام اعتراها الإهمال بموته..

وهو يسأل والأبناء يردون:

أين التور الابرق ود بقرتي حميرة؟
فيقولون ذبحناه بمناسبة رفع الفراش..

ويسأل مرة أخرى واين التور الارداوي ود البقرة دغمة؟
فيردون ذبحناهو في الخمسطاشر بتاعتك..

ولاحظ إنو في تور كبييير ما موجود..
فيسألهم واين توري الخصي ود البقرة غبيش؟
فترددوا في الرد لأن الرد بجيب هوا..

وكرر لهم السؤال بلهجة أشد..

فأجابوه بأن التور الخصي ذبحناه يوم عرس امنا..

البعاتي قال ليهم اهااااا
دا الكلام البخلينا نجي الحلة نهار

ههههههههههههههه

دحين بتفتكروا
حميدتي دا شنو الموضوع الخلاهو يظهر لينا نهاااار؟!!

هههههههههههههه