شعر
خالد حاج علي أدروب
*من ياتو ناحية*
*من ياتو ناحية اقول كلام*
*أنا مابخوفني الوعيد….*
*كاكي اخضر لونو فاقع*
*بوت جديد…*
*بوري كبدي ونجمتين*
*وطلقة اصلا مابتحيد*
*دايرني اركع ليك أنا*
*واخضع كمان للجنجويد..*
*صوب سلاحك ماتشاء*
*اصلك حقير طبعك مقيت…*
*نشن سلاحك في الجبين*
*واضرب رصاصك ماتريد….*
*من ياتو ناحية اقول كلام*
*داير تذل فوقي وتعيد،…*
*متناسي إنك مع منو*
*ومتناسي أنك زول بليد*
*تقدر تعاين فيني ساي*
*تميت شجاعتك بالوعيد…*
*ولقيتها فرصة زول أسير*
*غشيتها نفسك زيف شديد..*
*ياخ انت اضعف بي كتير،*
*كمل شجاعتك يا عبيط….*
*واضرب رصاصك ماتشاء*
*قوليهم استشهد شهيد،…..*
*ورايا الااااف الرجال*
*اتمنى ماتعرد تفوت*
*تطلق كراعك بالشتيت…..*
