*ما بين تسقط بس و بل بس… الشوارع لا تخون*
✍كتب / حسن البصير
# عبارة الشوارع لا تخون قالها الشفاتة أصحاب ثورة السنمبر يوم كانوا يخرجوا للشوارع يهتفون “معليش معليش ما عندنا جيش” و كان مُلهِمهُم دسيس مان ، يُخربون شارعهم بايديهم فيقلعون الإنترلوك و أعمدة الإنارة لقفل الشوارع شعار شارِعِهم ” تسقط بس و الطلقة ما بتكتل بكتل سكات الزول ” و خانوا ذات الشارع عندما أطلق حميدتى الضكران الخوف الكيزان ” الطلقة الأولى ” و يومها عرفوا أن الطلقة بتكتل .
# بعدها خرج الشارع السودان الوطنى ليقول ” بل بس ” لكل جنجويدى معتدى و خرج المستنفرين من شباب السودان الصادقين إلى ميادين الفداء مع الجيش و اخرجوا الجنجويد من الشوارع و البيوت ليُأكدوا بان الشارع السودانى لا يخون الوطن .
# و بالامس جسد الشارع معانى الوطنية عندما خرج السودانين فى الداخل و دول المهجر فى مواكب الكرامة ليقول للجيش نحن خلفك و فى الخناق و لحمل البنادق ، خرج الشعب لإسناد قواته المسلحة وكانت ملحمة وطنية و رسالة للعملاء و رباعيتهم العرجاء ، خرج الشعب السودانى فى مواكب النُصرة يردد جيشٌ واحد شعبٌ وأحد خلف القائد و ضاقت بهم الشوارع التى جاءوها من كل فجٕ عميق للوقوف مع القيادة و ضد كل محاولات التركيع و تقسيم البلاد يوماً إصطف فيه الجميع من أجل الوطن و أن لا مساومة و لا تفاوض مع المجرمين إنما بل بس .
و ما بين الدعوة لسقوط الدولة و بل المعتدين يظهر الوطنيين.
