(سحميات)
.
*رجع الوجع… وزمن الفوضى انتهى*
إثباتك معاك
في أي محل
ده *أب سيف البعدل الكيف*
*أمن يا جن*
زمن الفوضى واللعب والهرجلة انتهى بلا رجعة
اليوم البلد داخلة مرحلة جديدة عنوانها الانضباط وهيبة الدولة وسيادة القانون
*وجهاز الأمن والمخابرات* حايتعامل وفق الصلاحيات الممنوحة له
مع أي مظاهر سالبة
أو تجاوزات تصدر من
أي جهة كانت مدنية
أو عسكرية
عشان كده
لازم يكون إثباتك معاك في كل الأوقات
في الشارع
في السوق
في المواصلات
وفي أي مكان
ولو راكب عربية أوراقك ومستنداتك تكون جاهزة وكاملة
إجراءات مشددة
ارتكازات ثابتة
تفتيش ومراجعات
وحضور أمني واسع في
أم درمان والخرطوم وبحري
وفي الأسواق والمراكز التجارية والتقاطعات والإشارات والشوارع الحيوية والتجمعات العامة
الناس تلتزم
في تحركاتها
والناس تلتزم
في تصرفاتها
ومافي واسطة
ومافي محسوبية
ومافي محاباة
القانون واحد على الجميع
ويمه ارحميني
ده اسمو *أمن يا جن… زمن اللعب انتهى*
أي زول مخالف
مدني كان
ولا عسكري
تابع لأي جهة كانت
أو حتى الجن الأزرق ذاتو!
الإجراءات
حا تتطبق عليه كاملة غير منقوصة
والقانون حا ياخد مجراه
*رجع الوجع*
ورجع بكامل صلاحيته
ورجعت هيبة الدولة
وفوضى تاني
ما في
إثباتك معاك أمورك تمام
ما معاك
اركب فوق وكلامك
تمو قدام
ده *أب سيف البعدل الكيف*
*همسة في أذن والينا الهمام*
الحق يُقال
ما تم إنجازه خلال الأيام الفائتة بواسطة *الجهاز التنفيذي بمحلية أم درمان*
من جهود أمنية واستعدادات للخريف
وخدمات للمواطنين يستحق الإشادة والتقدير
وفوق ذلك كله يأتي العمل الجاري
في صيانة
استاد الموردة ذلك الصرح الرياضي العريق الذي ظل جزءاً أصيلاً من ذاكرة أهل أم درمان
جهود واضحة
وعمل ملموس
ومؤشرات تبعث على التفاؤل
فالتحية لكل
من يعمل بإخلاص من أجل خدمة المواطن واستقرار الولاية
ومزيداً من النجاح والتقدم
وبس خلاص
(وارجع تعال
عود ليا
رجع حنانك ليا
اسكني في جواك
شدد حراسة عليا
والله اجمل سكنة
عينك قصاد عينيه)
(سحمي)
♥
..
.
