حكي لي الصديق اللدود (عوض الدراش) في واحدة من أقاصيص الدراسة بالمغرب أنه توجه وزميله ( بكري السمين) الي مكتب البريد للاستفسار عن اخبار الحوالات المالية..
في الطريق ركز (بكري) علي موجهات المشوار:
(بعدين يا عوض إذا قروشك ما جات، ما عاوز حركات، وسلفني وبرجعها ليك، معليش يعني اعذرني من هسع القروش الجاياني محسوبة بالمليم)!..
يقول (عوض) ان المفاجأة ان (بكري) لم يستقبل اي شئ بينما استقبل هو 3 حوالات من مصادر مختلفة !..
وهنا توقف الدراش وكأنه يبحث عن شئ اضاعه..
كان ينتظر مداخلتي التي لم تتأخر كثيرا..
(اها عملت شنو)؟!..
(عملت شنو؟!..
يا سلام؟!..
انا فيلم (المنتقم) دا حضرته سنة 93 مرتين ولوج كمان)!.
نتمني ان يكون البرهان وهيئة الاركان قد شاهدوا الفيلم ولو مرة واحدة!.
…….
#منصة_اشواق_السودان
