قيد في الأحوال لواء شرطة م عثمان صديق البدوي يكتب : *مابين ملتقي النيلين وملتقي الجيوش !!*

قيد في الأحوال
لواء شرطة م عثمان صديق البدوي يكتب :

*مابين ملتقي النيلين وملتقي الجيوش !!*

اليوم إلتقت جيوش الوحدات العسكرية ، في “مقرن ” النيلين و”سنتر” العاصمة القومية ، بعد حرب وصفها “الخونة” بأنها “عبثية” ! ، وكان “الجد” ، بعد إصرارٍ وعزيمة قوية ، وساعات وإعلان بيان النصر للأمة السودانية .

اليوم تجدّد لقاء النيلين .. الأبيض الهادي ، والأزرق العاتي ، كما التقي ، ود العطا وود كباشي، بوادي سيدنا أمس ، في إخاءٍِ بكل حُضنٍ وحميمية .

الجميع حضور لرفع التمام الحتمي … قادة وجيوش ، يضمهم “الأبيض” و”الأزرق ” بشوق شديد يُجسِّدون معاني القصيد ، التي كم كان يرددها “أبو السيد ” :
فهذا الأزرق العاتي
تدفّق خالداً حُرّا

وهذا الأبيض الهادي
يضم الأزرق الصدرا

لا انفصلا ولا انحسرا
ولا اختلفا ولا اشتجرا

ولا هذى ولا تلك
ولا الدنيا بما فيها
تساوي ملتقي النيلين يا سمرا !

الآن عادت ( سمرا ) لدارها ( حُرّة ) ، عزيزة مكرمة ، آمنة مطمئنة.

الآن تحققت كلمات القائد البطل ( البرهان ) التي مازالت ترن في الآذان .. حين قال قبل عام من هذا الزمان :(عساكرنا ماتوا.. ونسوانا ماتن… والعالم كلو واقف يتفرّج فينا .. ومافي زول سندنا.. ولافي زول قدم لينا حاجة.. ولا في زول إستنكر الكلام ده.. عشان كده نشيل شيلتنا.. وما راجين من زول حاجة.. حقّنا ده بناخدو برانا.. بي ضراعنا ده بس).

آخر القيود :
الآن كل الشعب السوداني يتشوّق لحكومة عسكرية مسنودة بكفاءات وطنية ، خالية من أي حزبية ، أو جهوية ، أو طائفية .

نصرٌ من الله وفتحٌ قريب

وجمعة نصر وفتح مباركة
والمجد والخلود للشهداء الأطهار الأبرار ، وعاجل الشفاء للجرحي والمصابين.

لواء شرطة م
عثمان صديق البدوي
7فبراير 2025
قيد رقم (320)