فدائي في قوات الاحتياطي المركزي السودانية يكتب : ابقوا الصمود… ما تبقوا زيف…. عن الاحتياطي المركزي احكي ليكم
فدائي في قوات الاحتياطي المركزي السودانية يكتب :
ابقوا الصمود… ما تبقوا زيف…. عن الاحتياطي المركزي احكي ليكم
يجب حقآ قطعآ ان تقراء م كتبه واحد من اكفا مقاتلين قوات الاحتياطي المركزي السودانية في القطاع الأول ام درمان السيد الفدائي الرائد Waddah Waddah حفظه الله
#قياده
شكرا لظروف جعلتني اتعلم (واخوان كاربين شهداء رموز..وابطال احياء يرزقون ) ضباط وضباط صف وجنود جعلوني اتألم واتعلم متي تكون المحااارب ومتي تكون القاااااائد ومتي تكون القاااااائد والمحاااارب في ان واااحد ،كانت الاشاره واحده مع اختلاف بسيط في عدد القوه والعربات بتجي يومي طيله التسعه شهور الاولي افاادت المعلومات تجمع قوات كبيره للعدو ١٥٠ عربه قتاليه في الصهريج ١٢٥ود البشير و٣٨ سوق ام درمان و٤٠ في الاذاعه ٢٨ ام درمان القديمه نيتهم الهجوم على الاحتياطي المركزي من ثلاثه او المهندسين من محورين الضباط بتوزعو علي المواجهات الفدائيين كلامم واحد خليهم يجو ندقهم دق العيش مافي زول برجع ورا بقولو لي ضباطهم كبرو مخداتكم ضباطهم بقولو آآآآآآه وين ياااا قاعد معاكم لو في موت نموت سواا ولو في انتصار نكبر ونهلل سواا بكونو قاعدين من اتنين صباحا لحدي ماتشرق واكتر مايميز قوات الاحتياطي الضابط والعسكري اخوان اصحاب بحترمو بعض وبقدرو بعض شديد مابتفرز الضابط من العسكري الا تكون بتعرفهم معرفه شخصيه
وشكر لكل الفرسااان الذين يقاتلون في كل ربوع الوطن الحبيب وامتنان خاص لي اهل الفاشر وجيش الفاشر ومشتركه فوق وميارم الفاشر بتضحياتهم افشلو الخطه ب بفضلهم السودان وطن واحد موحد
وشكرا لجيش الواقع والمواقع هسي هم اصحاب الصفحات الكبير كانو من اللحظه الاولي يؤمنون بما نؤمن به ان المؤسسات القوميه والكليات ومعسكرات التربيه والاخلاق والميري ستنتصر علي الملايش والمرتزقه والحراميه وسواقط المجتمع عندما هرول الكثيرين وباع الكثيرين تحت شعارات معسوله واخري غميئه لا للحرب ولازم تقيف ودي حرب الفلول وغيرها من الشعارات ،هم ساندونا وقت كانت كاتمه شديد وفي لحظات تراجعنا وحصارنا في المعركه الكليه وفي المعركه الداخليه لو لا قدر الله كان الملايش بلعو الدوله واصبحت دوله الملايش كان مافي زول بدخل ولدو كليه ولا معسكر عشان يبقي عسكري فلو في زول شايفهم صفحات اسفيريه نحن ديل اخوانا لزم لحم ودم البقدمو لي اخوانا المقاتلين في كل السودان الدوله مابتقدمو ليهم ديل ماناشطين داا جيش راسو عديل وتخش صفحه اي واحد منهم 10 دقايق تتطمن علي كل اخوانك في جبهات القتال في اي حته في السودان غير دور التوعيه وحجم المؤامرات الخارجيه والداخليه ومحاربتها جيش عديل في الخارج بطلع ليك بجغمك في اي حته في العالم والادوار الاجتماعيه والخدميه البقومو بيها للمواطنين والمقاتلين لهم منا كل الاحترام والحب والتقدير
وشكرا للسودان حكومه وشعبا وهم يقفون سدا منيعا مع القوات المسلحة والقوات النظاميه لدحر المتمردين الغزاه ولمندوب السودان في الامم المتحدة السفير الحارث ادريس الذي خاض معارك ضاريه ومعقده جدا بكفاءه عاليه اكيد ماعمل زول واحد ومع اني في منشوري حريص انو ما اذكر اي اسم لكن صراحه ماقدرت اتجاوز اسم الحارث الحارث مالنا ودمنا
وشكرا للفرسان المقاتلين بي اسم السودان داخل المستطيل الأخضر يبذلون الجهد والعرق لتمثيل السودان ورفع اسمه عاليا ورسم البسمه والامل للشعب السوداني يجعلون المستحيل ممكن بعيدا عن اهلهم وذويهم في ظروف صعبه ومعقده
شكرا للنخب السياسيه السودانيه التي أكدت لنا المؤكد اصلا الا من رحم ربي (قناعات شخصيه ) يبيعون الشعارات ويتلاعبون بالالفاظ والكلمات ويشترون مصلحتهم فقط لاغير ،حتي لو عن طريق التحالف مع الشيطان نفسه سنقارعكم الطلقه بالطلقه والدانه بالدانه والكلمه بالكلمه والحجه بالحجه والفكره بالفكره
وفي ذكري الفنان الإنسان الموسيقار القامه الملهم محمود عبد العزيز له الرحمه والمغفره الحوت عالم مرعب ومخيف كانت كلماته انغامه حاضره ابقو الصمود ماتبقو زيف صامدين وثابتن ومنتصرين نحن لانركع لانستسلم نحن ابناء الشموخ والكبرياء الله اكبر والعزه للسودان الله اكبر والنصر للقوات المسلحه السودانيه وتصور كيف يكون الحال لو ماكنت سوداني واهل الحاره ما اهلي
والحمد لله والشكر لله اولا واخيرا والحمد لله على بقاء الدوله (56) التحرر من الاستعمار والعبوديه ماحقت زول ماحقت حزب ماحقت قبيله ماحقت تياااار حقت كل اهل السودان ستظل شامخه راسخه علمها يرفرف في السماء تتعاقب عليها الاجيال حتي يرث الله الارض ومن عليها
