*انا لست كوز ولكني كوز*
أنا عايز أنبه
شفع قحط وسفهاءهم على شيء
الكيزان ديل من سقطت حكومتهم، قياداتهم وجهت جميع عضويتهم انو يلزمو الصبر و السكوت ؛حفاظا على وحدة البلاد والتفرغ لمعالجة الأخطاء التي وقعوا فيها
وقالوا ما دايرين نشارك في الفترة الانتقالية لحدي ما تجي الانتخابات
لكن انتو كنشطاء ما خليتو شيء ما عملتو ليهم نكلتو بيهم عرضتم سفهاءكم لهم و إن كنتم كلكم كذلك ،لم تفرقوا بين برئ ومذنب فعلتم بهم كل ما يمكن فعله
لدرجة انو الكيزان عندهم قيادات بارزة وكبيرة ماتت في معتقلاتكم وعلى رأسهم الشيخ الزبير أحمد الحسن رحمه الله تعالى
ومع ذلك صبروا و التزموا الصمت
ثم بعد ذلك حكومتكم “صبيانية التصرف” ودت البلد لهذه الحرب (الإطارئ أو الحرب)
فجاء الكيزان وأبناؤهم واستنفروا مع القوات المسلحة وتناسوا كل ما تعرضوا له في السنوات التي مضت وقدموا دماء خيرة رجالهم مهرا لهذه البلد وفقدوا شخصيات بارزة عندهم وخيرة أبنائهم
فالآن الوضع ما زي قبل الحرب
ما تتوقعوا أنهم حيسكتوا ليكم و لا تتوقعوا انهم حيتعاملوا معاكم بذلك الصمت والكف عن مجاراتكم
الناس ديل قدموا دماء ودماء غالية جدا عليهم
وكثير من أبناء الشعب يعرفون هذا الأمر تماما ويقدرونه لهم واستطاع السودانيون أن يعرفوا حقيقة من هو صليحهم ومن هو عدوهم
والكيزان بعد ده كلو بقولو ليكم يا شوية أحزاب نحن ما دايرين فترة انتقالية
دايرين انتخابات والحشاش يملأ شبكتو
المنشور ده كلو سببو لقيت واحد ياهو من نشطاء قحت الما نافعين ديل قال الكيزان خلاص يغادروا المشهد
بالله!!
تعال انت أطردهم وخليهم يغادروا
كسرة :
هذا المنشور برعاية
أنا لست كوزا ولكنني كوز
