ليالي الغرة
إبراهيم أحمد جمعة
ابتسامة القمر:
(توب الجمال ونسمة الدعاش)..1
اكتر من كدا جواي
ريدك مستف
للقلب
بتوسدك لما القمره
تضحك
بنقلب
بلضم خيوط الضحكه فال
من ريدك
ماغلب
فاكر الدنيا شق
كيفن لعقلي
المنسلب
وفي زمن الاستلاب حيث تضيع خطي البعض ويظن أن التعاون مع العدو يجعله كبيرا في نظر مناضلي الفنادق وازقة الحواري البائسة نركن نحن وبعض متزوقي. الجمال المترف لابتسامة القمر لنستشفي قليلا من رهق الروح ونغوص ونبحر بين مشارع الجمال عند صاحب جدي الريل:
حقيقة الفتره لما تطول
تنمو الحبه في
القندول
وشتيلات الغرام والريد
تزهر في حشا
المقتول
ونيران الهوي المشبوب
تعذب خاطر
المشغول
بناديلك يا البعيد عني قريب
جوه الضلوع
محمول
والمحمول في القلب يظل مكمسد بعيدا وتلك وجعة تجعل الإرهاق في أزمنة الحرب يعشش ويفرخ ويطير صغاره ليجعلوا من مساحة الانس الجميل مساحة وبراحا للنكد ولكنا نهرب لابتسامة القمر والي ضوء في اخر النفق لنكتب:
علي العيانو كيف قمر
السبعتين
بغني
وتلت الليل بتاوق
بزيد الاماني
تمني
ضامر هافو مايحا
بزيدو
تثني
يامولاي تحجاني من
العيونو
لحني
ونعود لابتسامة القمر ونكفكف الخاطر الجريح في أزمنة الشفشافة وساسة الخراب ولكن نكتب في
أيام السمايم والحر واقول:
سمايمك هب تور
سحايبك
ودكك
فر بسامو زي حب
العنب
اتفكك
جرح كبادي من
الوجيع
اتهتك
لهلب نارك كيف
القيامي
اتبكك
كسرة
علي لقياكي بتصبر
واحتار من تاني
لامري
قدر ماقلته بنساكي.
الاقيكي انتي
ياقدري
وين ماسكه بمشيها
الاقي عينيك
في نظري
حلاة الرقه والاحساس
واقولك سمحه
في سري.
استغفرالله
إبراهيم أحمد جمعة
الأبيض
