ناس حزب البرمة مطلعين بيان بيتكلموا فيه عن مجهودات مريم الصادق من أجل دفع جهود الأزمة الوطنية ..
تخيل حرب السودان الكبرى دي كلها مقزمنها ومتفهنها وبيقولوا عليها (أزمة) مجرد أزمة .. وعايزين يرجعوا يلمعوا مريم عااادي.. مريم الشعبنا غير اسمها من مريم الصادق لى مريم جنجويد .. مريم الهددت الشعب في بيان اخير من دار حزب البرمة و قالت : إذا تعثر الخيار السياسي لدينا خيارات أخرى !! والآن بعد اتاكدت من هزيمتهم في الحرب عاوزه ترجع تاااني للخيار السياسي بكل بساطة وكانو الحرب دي كانت لعبه أو نزوة ؟ انتو كيف مفتكرين أنه بعد اختياركم لخيار الحرب حاتقدروا ترجعوا للخيار السياسي تاني بالسهولة دي ، كأنه مافي أرواح ازهقت وعروض انتهكت وممتلكات نهبت ومدن دمرت .. معقولة عاوزين تسوقوا لينا مريم المهزومة مرة تانية ؟
انتو متخيلين الشعب كله مدمن آيس والا شنو ؟ ؟ ؟
شعبنا الهددتوه بأنه عندكم خيارات تانية غير الخيار السياسي ، وقلتوها عديل الاطاري أو الحرب .. وسمعكم وهو شايف حليفكم بيحشد في قواته وأسلحته في الخرطوم .. ورغم كده كان متخيل انه مجرد ابتزاز وأنكم مهما كان شرهكم وحبكم للسلطة ما حا يوصل لدرجة انكم تشعلو الحرب بالجد .. الحرب الحا تقتل اهلكم وتهتك اعراضهم وتنهب ممتلكاتهم وتدمر البلد كلها .. و بعد الحرب ما بدت واتضح أنها حرب ضد الشعب وضد المواطن الأعزل قبل ما تكون ضد الجيش .. الشعب اتخيلكم حا تفوقو و حتقولو لا وتفضوا شراكتكم مع الدعم السريع وتقولو نحنا مع اهلنا وحنحارب معاهم القتل أولادهم واغتصب بناتهم ونهب ممتلكاتهم وطردهم من بيوتهم .. يااخي أكثر سوداني كان بسئ بكم الظن وبيكرهكم عديييل ما اتخيل انكم حتقولوا انكم واقفين في الحياد.. حياد كيف و الحرب ضد اهلكم في بيوتهم وأعراضهم وممتلكاتهم ؟ ؟ و بعد داك الشعب اكتشف انكم ياريت لو كنتو في الحياد انتو مع العدو عدييل .. ترددوا في كلامه .. وتبرروا في أفعاله .. وجارين بي يدينكم وكرعينكم عشان تنقذوه من الهزيمة .. وبتجتمعوا معاه في كينيا وفي اثيوبيا عشان تنسقوا مواقفكم مع بعض .. ابشرك بي حاجه يامريم المهزومة ، وياحزب البرمة الشعب السوداني الليلة انتو عندو اكعب من الجنجويدي الشايل كلاش لانه الشايل كلاش ده بيقاتل عديل مازيكم انتو الطعنتوه في الضهر واتأمرتو عليه مع الامارات وفولكر والدعم السريع …
#الحساب_يجمع
#حزب_البرمة
#مريم_المهزومة
#مريم_جنجويد
