الصحفي محمد محمد خير في تسجيل جديد:
انا متاكد و اضع يدي علي المصحف انو أي زول يتكلم عن الكيزان و الاخوان المسلمين بمناسبه و بدون مناسبه و يرجع لينا لبانة الكيزان، مصالحه تقتضي كده ؛ انو يلوك لبانة الكيزان.
و نحنا اشتغلنا زمان في المعارضه اشتغلنا في الاستهبال ده ايام التجمع
في منظمات يهودية أساسا هدفها و شغلها محاربة الإسلام السياسي في الشرق الأوسط و تدعم بعض المجموعات، ما بالضرورة تكون يسارية ولا يمينية لتلوك اللبانة دي، و يكون الواحد بمولوا ليهو جريدة ولا بديهو قروش يحضر ورشة..
و من يمتهن الكلام عن الكيزان بذلك يؤدي في واجبه المهني و دا شغله شتم الكيزان.
كانما عنده مكتب و شغلته يشتم الكيزان و بس .
ودا شي في استراتيجية اليهود طويلة المدي و انو دا شغل ممكن يجنبها ماحدث في غزة الآن( من المقاومة الإسلامية ) و تفتكر انو المعادين ليها بطريقة عدوانية هم الحركات الإسلامية و لذلك ما عايزه ليهم موطن في أي بلد .
انا ضد من يجعل شغلته تصفية الإخوان المسلمين و لو المنظمات(الممولين) غيروا استراتيجيتهم و جعلوا العدو هو الدعم السريع مثلا، كلهم حا يغيروا لي شتم الدعم السريع، و دا كله من نوع الأعمال القذرة و الوسخة جدا و انا احتقر من اذا كتب، لازم يجيب سيرة الإخوان المسلمين
