ماااا بحلك
امير عبد الماجد يكتب :
* مابحلك ..
* الكلام ده قلناهو ليك عمنول وضحكت
* لما كنت قاعد في عمارات الخرطوم وبتقول حقنا رجعناهو ..
* متذكر الكلام ده …
* لما كنت بتقتل وتسحل وتردم الناس رصاص ودانات
* بتخت المدفع علي بعد كيلومترات قليلة وتضرب الاحياء السكنية في كرري
* تدور فيها من ستة صباحاً لغاااية الساعة واحدة ظهراً يومياً
* يومياً بتقتل في المواطنين العزل ..
* متذكر والا نسيت ..
* بتغتصب بنات الناس وتسوقن سبايا تبيعهن في دارفور
* متذكر والا نسيت ..
* بتنهب بلد كاااملة وتذل رجاله تخليهم يتدردقوا في الطين قدام اسرهم
* نسيت الكلام ده …
* وقتها يامشوه لعنة الله عليك كنت قايلنا مابنحاربك وندفعك التمن ..
* بتدفعوا .. الليلة بكرة بتدفعوا ..
* لما قلنا ليك بنمشي حواضنك قلت بتحلموا …
* لقيتنا كيف…؟
* قلت بينا وبينكم البندقية …
* العفينة ام خشيم ..
* هسي الحصل شنو بقيت تسكلب .. ؟؟
* كلما ندقك تكورك ضربوني بالكيماوي
* كيماوي في عينك ..
* انت الكتلتهم في الخرطوم وبحري وام درمان والجزيرة والنيل الابيض والفاشر لو ضربناك بالنووي نكون قصّرنا معاك
* انت قتلت الالاف .. الالاف قتلتهم بدم بارد ..
* ماتسكلب ساي ..
* لا في كيماوي ولا نووي ..
* دي الحرب الانت دورتها ..
* الحرب النهبت بيها البلد ودمرتها وقتلت اهلها وشردتهم
* دي الحرب القعدت تهددنا بيها ..
* خم وصر ..
* وبلاش ورجغة فاضية معاك ..
* لو راجي امريكا والمجتمع الدولي والقوات العالمية الامبريالية تنزل تحلك حاتنتظر طويلا …
* لا امريكا بتجيك لا العالم بشتغل بيك ..
* انت والمساندنك كائنات مشوهة قتلت السودانيين وجلبت المرتزقة والمشوهين من كل العالم لاحتلاله ..
* مافي قوة بتمنعنا ندافع عن بلدنا ..
* لذلك ماتسكلب وتكورك ضربونا بالكيماوي والنووي وقتلونا
* شوف زي ده ..
* الدعامي قاتل خايف يموت ..
* بعدين اقول ليك وماتكلم زول
* تسوية مافي ..
* اتفاق مافي
* نتفق معاك علي شنو بعد العملته ده ..؟؟
* تسلم سلاحك وتسلم روحك ..
* والا بنشبكك براميل لامن تفهم حاجة ..
* عرباتك قاعدة ونحنا شايفنها ..
* وقواتك وحشودك. هديل قدامنا..
* منتظر نرسل ليك ورود ..
* ماياهو البارود ..
* زمان لما قلنا ليك أطلع من بيوت المدنيين قلت مابطلع
* دي الحرب …
* هسي دي حنة عريس
* ماياها الحرب ..
* ومع ذلك نحنا مدنيين مابنضربهم لو كنا بنضربهم كنا ضربنا اسر الدعامة وهي تغادر الخرطوم
* كانت الاسر دي في مرمي نيران الطيران وتركها
* رغم انها تحمل منهوبات وراكبة عربات مشفشفة من المواطنين
* تركوها تذهب لان النساء والاطفال ماموضوعنا
* نحنا مامشوهين زيك … ..
* بالمناسبة الايام دي دعامي بخت ليهو سماعة في اضانو يسمع اغاني مافي
* كله مركز مع صوت المبروكة الحايمة في السماء ..
* المبروكة إن شاء الله البتاكلوا ينفعه
