🌹إطلالة🌹
توفيق جعفر
حكايات ود البرعي
المعاش بقي صعب ..!
ذات صباح باكر، وقبل أن يغادر ( ميرغني) الموظف المسكين داره، حتي يلحق بالترحيل الجماعي نبهته زوجته( ليلي) وهو تكب شايها السادة لأبنائها وهم يتوجهون المدرسة:
_ ميرغني عليك الله الليلة جيب ليك معاك خدار للشفع ديل أربعة يوم نحنا في الحالة دي ..!
يحاول ميرغني دائما الهروب للأمام ..يستقل ٱنشغال ليلي بالشاي ليهرب إلي العمل ..ههههه
فماذا يفعل ..؟!
الرغيفتين بألف جنيه ..
وربع كيلو العجالي داخل علي اتناشر ألف جنيه ..!؟
والطماطم ..لا أحسن الصلصة .. طيب كان الطماطم في بديل ليها ..بديل البصل شنو ..؟!
_ يا خينا أديني كيلو عدس ( نشغلهم أربعة يوم بالعدس بروتينات كويسة مع الشفع ..
بدأ التاجر يوزن …
_ هو بكم الكيلو ..!؟
_ بتمانية ألف!
_ طيب أعمل لي نص كيلو ..
ولما عاد ( ميرغني) إلي البيت كان يحمل كيسا خجولا جدا …
ود المبارك قرية، لكن القري أصبحت تشبه المدن، أصبحت تخلو من زراعة الخضروات، والقمح ، والفواكه …!
كنا في طفولتنا نمرح وسط الأغنام ومرحات الضأن، ..نشرب اللبن دون أن يغلي في النار … من الضرع مباشرة، نأكل العنكوليب، والعيشريف، نشرب الماء من جدول الزراعة لا نخشي شئ ..
ناكل البصل بالشطة، ونأكل الكسرة بالروب والسمن ..!
كنا اقوياء جدا، نمشي مع الفجر إلي زراعتنا، نساهر نمسك الموية حتى فجر اليوم التاني …
ننوم ساعات ، ثم نعاود متابعة الزراعة في العصريات حتي تغرب الشمس ..!
سافر ود البرعي الي جمهورية مصر للعلاج لمتابعة آلام ظهر يشكو منها …!
ويبدو أن التعاون سيتوقف … فالبضائع قلت، خاصة السكر والدقيق ..!
_ أها نسو شنو سكرنا دا ما بتم إسبوع والدقيق مافيهو مشكلة ..!؟
_ أنت عارف يا اسماعيل البضائع دي جابها ود البرعي بعلاقاتو ومعارفو بس ..!
_ يازول؟
_ مفروض يمشو معاهو اعضاء من اللجنة عشان يعرفو الدروب ويفتحو علاقات زيو ..
_ الغريبة أنا كنت جزء من الوفد دا ود البرعي بقول خشوا معاي جوه قابلو المعتمد أو رئيس المحلية نحنا بنرجاهو بره إتخيل..!؟
_ الله يجيبو بالسلامة ..!
