ماذكر من أخبار عن أن مالك عقار قد أعلن عن موافقة مجلس السيادة بالجلوس مع مجموعة تقزم..
*خبر محبط..*
بل جريمة…
خبر كسر فرحة السودانيين بانتصارات امدرمان اليوم قصد مالك عقار أو لم يقصد إحباط السودانيين ..
*كيف ما نحبط*…
والخبر الذي نتمنى أن يكون غير صحيح يقول بقبول الجلوس مع مجموعة مجرمة اتضح جلياََ انها تمثل الزراع السياسي للمليشيا الإماراتية الإرهابية…
*كيف*..
يجلس مجلس السيادة مع (رشا عوض) التي قالت ليست هناك تجاوزات للمليشيا..؟!
*كيف*…
يجلس مجلس السيادة مع المجرم ياسر عرمان الذي قال وجود المليشيا في بيوت المواطنين مزايدة..
*كيف*..
يجلس مجلس السيادة مع حمدوك الصنيعة الإماراتية كاملة الدسم..
يااااخ النائب العام مطلع في العايزين تقعدوا معاهم ديل إجراءات جنائية ؟؟..
ولاة الولايات بحلو الان في اللجان الإدارية والتنسيقيات تبع القحاطة الانتو عايزين تقعدوا معاهم بعد أن تبين أن كثير منها موالية للمليشيا المجرمة …
عقار دا زاااتو قبل أيام قال تقدم ديل منو
ما بعرفهم..؟؟
ويجي هسي يقول وافقنا نقعد معااااهم..
هو زاتو تقعد معااااهم لشنو؟!
عشان تنقاش معاهم إعلان إثيوبيا الاستسلامي الانهزامي التم التوقيع عليه اصلا وتركت مساحة لبرهان لتوقيع الإجباري…
اصلا ما عندهم حاجة معاك غير توقع معاهم على الخيانة الوطنية…
الناس العايز تقعد معاهم ديل يا عقار في رقبتهم دماء سوادنيين بعد أن أشعلوا الحرب بشعار يا الإطاري يا الحرب ثم انخرطوا فيها كجناح سياسي للمليشيا…
ياخ ديل الحزب الشيوعي ردمهم وتبرأ منهم وانت عايز تقعد معاهم؟؟
يااااخ ديل كاميرون هدسون الخواجة الكافر قال عووووووووع وشعر بالاشمئزاز من عمائلهم وانت عايز تقعد معاهم..؟؟
الناس ديل قعادنا معاهم في المحاكم بس..
هانرفع عليهم دعوات جنائية بعد نهاية الحرب..
والله اتمني يكون خبر غير صحيح والأ حذاري من شق الصف والنصر على الأبواب…
*( منصور الهادي)*
