دبوس حاااااار
طلعت التقارير العسكرية تمجد فى الجيش السودانى وفى قائده البرهان …
خرجت التقارير العسكرية تمتدح فى الخطط العسكرية التى نفذتها القيادات العسكرية فى الجيش السودانى بإستراتيجيتها الرائعة وهى إستعمال طريقة النفس الطويل فى حربهم وهى التى أرهقت عصابات الحرية والتغيير ومرتزقتها …
خرجت التقارير لتقول بأن قائد الجيش السودانى البرهان تحمل كل الهجمات الإعلامية السودانية والعالمية الشرسة ولم يتأثر بها إطلاقاً وسار فى تنفيذ خطته المحببة وهى الحفر بإبرتة المشهورة وقد إستعملها من قبل فى تفكيك عواليق ونشطاء الحرية والتغيير الخونة والعملاء وذلك عندما قام برخى الحبل على القارب ومن ثم جعلهم يفعلون ما يحلو لهم حتى لملم أوساخهم وقذارتهم ونتانتهم فى ثورة 25 أكتوبر المجيدة الظافرة …
ونفس الإبرة وحفرها البطئ إستعملها الداهية البرهان على الدعم السريع وهى جناح الحرية والتغيير العسكرى ومعهم مرتزقتهم وقد ظهرت نتائجها الباهرة …
يا برهان إبرتك دى أصلها إبرة شنو ؟؟؟
ويا برهان إبرتك دى أصلها مصنوعة من شنو ؟؟؟
عافى منك يا برهان وعافى من إبرتك كمان …
تسلم لينا يا برهان …
ويحفظك الله يا برهان …
ويحفظك الله للسودان …
وتسلم البطن الجابتك …
جيوش السودان تتقدم الآن بكل ثبات وبكل قوة ورجالة وبسالة وشجاعة نحو أوكار وإرتكازات مرتزقة الحرية والتغيير …
فى بحرى موت ذى الموت …
فى أمدرمان بل ذى البل …
وفى الخرطوم فحيط ذى الفحيط …
بنى دعيم المرق حى مرق وإستسلم للجيش …
والما مرق إتحل وإتبل ومشى لى جهنم …
والمتعاون من بنى قحيط وقاعد يدل الدعامة على بيوت العسكريين والإسلاميبن ترك بيتو وداير يتخارج من ولاية الخرطوم …
آه … وين … ياااا …
بى وين لكن …
وبى ياتو طريق …
صورك فى كل الإرتكازات يا خاااائن …
وما فى ليك طريقة مخارجات …
قلناها للجميع من قبل ونكررها الآن …
يا أخى ده البرهان …
ده ملك الطلس والتوهاااان …
دو دو بى كده يا البرهووون …
ده برهان المكار أب ضرباً حاااار …
بالله يا قواتنا المسلحة …
ويا قواتنا النظامية الأخرى …
ويا ناس المقاومة الشعبية المسلحة لما تتحركوا نحو المعارك فى كل المحاور ما تنسوا أن تتذكروا البنات المغتصبات … وتتذكروا البيوت المنهوبات … وتتذكروا السيارات المسروقات … وتتذكروا أباءكم وأمهاتكم وأخواتكم وأطفالكم النازحين ٨ن ليهم التار حقهم …
التحية ليكم يا أبطال …
اللهم تقبل موتانا شهداء …
اللهم أشفى جرحانا عاجل الشفاء …
اللهم فك أسر أسرانا يا رب الأرض والسماء …
النصر قرررررب ورب الكعبة …
🖋️د.أحمدمنصورالمحامي …
