مسارات
د.نجلاء حسين المكابرابي تكتب :
*ضوء في نفق الظلام*
________________
اكتب في هذا المقام عن مدينتي الفاضلة الحصاحيصا التي تطل علي النيل الأزرق الغاضب والمصارع للامواج وقد اصبح الان يصارع الانتهاك واغتصاب الارض والعرض من قبل مليشيا الإرهاب الدعم السريع وتحضرني الذاكرة عن سوق الموردة وحي العمدة و المزاد والموظفين وكمبو المحالج واركويت والحي الاوسط والسوق وبكيت حينما علمت ان مدرسة الرحمة الثانوية مرتكز للدعامة وهم من هناك ينهبون طفولتي وذاكرتي ويسرقون بيوت احبابي واهلي ويحرقون الجمال ويغتصبون نديداتي من بنات الارض الطاهرة
وسااقول لكي كما قال الشاعر المبدع خالد الباشا :
* يابنية الماضي فاكرك
في بدايات الزمان
الزمن كان كلو طيب
وكانن الحيشان أمان
كنا راجين بكره يمرق
من ضلمات المكان
كانت الخرطوم حنينة
وكنا معطونين حنان
****
* بكيت عندما رايت ما فعله الجنجويد بحاضرة الجمال الجزيرة مثل مافعلوا بدارفور كاسية الكعبة وزوادة الحجيج من دول الجوار وكردفان هشابة السودان
*؛وياحبيبة القلب إنتي
العمر راجيكي راح
تلقي هسع زيي (شبتي)
بالمواجع والجراح
أصلو مما إنتي غبتي
ماسكت صوت السلاح
***
اغيثوا اهلي في كل بقاع السودان وهم يعانوا ويلات الحرب والنزوح واللجوء والهجرة واغيثوا اخواتي في كل مكان
يابنية الذكرى وينك ..!!؟
غبتي في عز إحتياجي
السنين سرقتني منك
في متاهات اللواجي
عشت نازح في دروبنا
في بلادي الماهلي لاجئ
وياما بعدك كم شقينا
وفي الوطن بيت مالقينا
وأمنيات طلعت عجاجي
***
التحية للشاعرة خالد الباشا وهو يكتب ذكريات البنية علي دفاتر الشعر السوداني
ودمتم
