☘️ إطلالة☘️
حكايات ود البرعي
توفيق جعفر
هل يضطر ود البرعي للإستقالة؟
بعد أن ضبطت لجنة القرية كروت التموين ضبطا، وحددت معايير واضحة بنت عليها خطة التوزيع ..
كثيرون من سكان القرية غضبوا جدا ..
وتم توزيع التموين علي هذا الأساس ..؟
في صباح اليوم التالي للتوزيع، وقفت تسعة نساء بأطفالهن، وسبعة من الكبار في السن ،فيهم عبد الرحيم ود عيسي، جبريل ود عجبنا، الطاهر ود حامد ..الخ
ومن نساء القرية الخادم بنت المرضي، ودار الزين بت معروف ..الخ
فتح معروف الباب وطلب منهم الدخول ..
لكن جبريل ود عجبنا رفض بإسمهم جميعا ، وطلب حضور ود البرعي إليهم خارج المنزل ذي الطوابق الثلاثة ..!
دخل معه معروف في نقاش هادئ ..
إلا ان ود البرعي نفسه حضر وحلف عليهم قائلا :
_ معقول يا جبريل نتكلم بره؟
اخيرا أدخلوا حديقة المنزل ..!
كاد جبريل يبكي يقوله:
_ ياود البرعي عاين لديل نسوان مسكينات وما يخشن في كروت التموين المجاني؟
وانا واصحابي ديل؟!
كان معروف قد وع شاي اللبن الفاخر علي الأطفال والنساء والرجال ..!
تمهل ود البرعي وأنصت مستمعا لشكاويهم جميعا ثم قال ردا عليهم :
_ أنتو اهلي واحبابي صاح؟ وعارفكم محتاجين
والله الكروت الاتوزعت دي كونا ليها لجنة مخصوص، واللجنة شافت في واحدين أحوج منكم ، لكن مادام جيتوني ما برجعكم ساي ..
والمعتمد وعدنا بزيادة في المواد التموينية ما وصلت، ويا معروف أكتب لي أسماء ديل وأي زول متظلم ..
وأمشي مخازني أدي اي زول شوال دقيق عشرة كيلو وباقة زيت صغيرة ..!
تداخلت اصوات النساء مع الرجال شاكرين ..
وفعلا طلب منهم ود البرعي الإنتظار لأن الدقيق والزيت سيصل هنا ..!
والدعم الحكومي مؤكد فقط عايز سك وتاخيره ايضا مؤكد ..!
بعد إنصراف هؤلاء قال ود البرعي لإبنه معروف انت عارف انا أول مرة إغلبني حل مشاكل ود المبارك دي …
ما كل الناس المحتاجة دي بتلقي حقها …
انا مفكر استقيل من اللجنة دي..؟
